Transcription
1
Monsieur, ce matin monsieur le procureur du pays et
2
moy vous avons faict ung depeche bien ample. La
3
presente ne sera que pour acompaigner celle de monsieur
4
l’auditeur Faure, qui vous prie d’escripre à monsieur
5
de Gap poiur avoyr quelques prisonniers pour le
6
rachepter. Je m’asseure, monsieur, que si vous luy
7
escripves il obeyra enthierement à vous commandementz.
8
Au reste, monsieur, messieurs Dediguieres et de Champoleon
9
ont estez à Avanson, occuppé comme vous scaves, par les
10
huguenaudz, et n’ont hey le credict d’entrer dans le château.
11
Tout ce qu’ilz ont peu faire sa esté de garder qu’ilz ne
12
l’ayent bruslé. Si tant est qu’il y aye quelque tresve
13
et il vous playsoyt d’en escripre ung mot à monsieur
14
de Mombrun pour en escripre au cappitaine La Grille
15
de Provence peult estre que ladite Grille useroyt
16
de quelque respect. Tout ce que je craings
17
le plus c’est qu’ilz ne bruslent et le chasteau et
18
le villaige.
19
Monsieur, je prie le createur vous donner en parfaicte santé
20
tres bonne, longue et hereuse vye, de Grenoble, ce XVIIe
21
mars 1574.
22
Votre treshumble serviteur
23
F. d’Avanson, eveque de
24
Grenoble